АЙРАГ СУМЫН 2022 ОНЫ 4 ДҮГЭЭР УЛИРЛЫН БАЙДЛААР ӨРГӨДӨЛ, ГОМДЛЫН ШИЙДВЭРЛЭЛТИЙН ТАЙЛАН

2023 | 1 сарын 5  |  08:56
0

Айраг сумын Засаг дарга, Тамгын газарт иргэдээс ирүүлсэн өргөдөл, гомдол, санал хүсэлтийг “Иргэдээс төрийн байгууллага, албан тушаалтанд хандан гаргасан өргөдөл, гомдлыг шийдвэрлэх тухай” хууль, хуулийн хэрэгжилтийг зохион байгуулахтай холбогдон гарсан зарим арга хэмжээний тухай Монгол Улсын Засгийн газрын 2005 оны 67 дугаар тогтоол, сумын Засаг даргын Тамгын газарт ирсэн өргөдөл, гомдол, санал хүсэлтийг хянан шийдвэрлэх тухай журмын хүрээнд шийдвэрлэн ажиллаж байна. Айраг сумын ЗДТГазарт, албан тушаалтанд хандаж иргэдээс ирүүлсэн өргөдөл, гомдлыг хүлээн авч, шуурхай шийдвэрлэх ажлыг зохион байгуулах, үр дүнг тооцох, сумаас гарах бодлого, шийдвэрт иргэдийн санал бодлыг тусгах, нээлттэй, шуурхай, ил тод иргэдийн санал, хүсэлт, гомдол, мэдээллийг хүлээн авах нээлттэй утсыг Засаг даргын Тамгын газрын 025241 41 56 утас ажиллуулж байна. Сумын Засаг дарга болон ЗДТГ-ын дарга 2022 оны 4 дүгээр улирлын байдлаар 223 иргэнийг өөрийн биеэр хүлээн авч уулзан санал, гомдол, хүсэлт, мэдээллийг сонсож хууль тогтоомжийн дагуу шийдвэрлэсэн. Сумын Засаг дарга, түүний Тамгын газарт хандан жилийн байдлаар 97 өргөдөл гомдол ирснээс 100 хувь шийдвэрлэсэн. Засаг даргын Тамгын албан хаагчдын цалинтай болон цалингүй чөлөө хүссэн, газар хүссэн, худаг эзэмших гэрээ байгуулах тухай өргөдлийн дийлэнх хувийг эзэлж байна. Ирүүлсэн өргөдөл дундаж хугацаа 15-21 хоногийн дотор шийдвэрлэгдэж байна. Шийдвэрлэх боломжгүй буюу судлах шаардлагатай өргөдлийн хугацааг сунган ажиллаж байна. Засаг даргын Тамгын газар нь зарим иргэдээс ирүүлсэн санал хүсэлт шийдвэрлэгдэх боломжгүй тохиолдолд тухайн иргэнд албан тоотоор хариуг хүргүүлэн ажиллаж байна.