АЙРАГ СУМЫН ЗАСАГ ДАРГЫН ТАМГЫН ГАЗРЫН ТОВЧ ТАНИЛЦУУЛГА

2024 | 1 сарын 5  |  14:13 засварласан: 2025 | 5 сарын 12 - 17:24
0

Монгол Улс нийгмийн шинэ харилцаанд шилжсэнээр буюу 1992 оны шинэ Үндсэн хууль батлагдсан хэрэгжиж эхэлснээр хуучин нэгдлийн дарга сумын гүйцэтгэх захиргааны даргын ажлыг хавсран гүйцэтгэж төр аж ахуйн байгууллагын үйл ажиллагаа нэг хүний гарт төвлөрч байсан тогтолцоог өөрчилж хөдөө аж ахуйн бригадын хэлбэрийг татан буулгаж Сумын ЗДТГ нь анхан шатны нэгж 4 багийг байгуулсан байна. Монгол улсын Үндсэн хууль, Засаг захиргаа, нутаг дэвсгэрийн нэгж, түүний удирдлагын тухай хууль, Төрийн албаны тухай хууль, Төсвийн тухай хууль болон бусад хууль тогтоомж, МУ-ын Засгийн газар, аймгийн Засаг дарга, сумын Засаг даргын үйл ажиллагааны хөтөлбөрүүд, Иргэдийн Төлөөлөгчдийн Хурал түүний Тэргүүлэгчдийн хуралдаанаас гаргасан шийдвэрийг Засаг даргын эрхлэх асуудлын хүрээнд ажиллах төрийн байгууллага, мэргэжилтэн, албан хаагч, багийн Засаг дарга нарын ажлыг уялдуулан оновчтой бодлого, зохицуулалтаар хангаж орон нутгийн хөгжлийн төлөө төрийн болон төрийн бус байгууллага, аж ахуйн нэгж байгууллага, иргэдэд төрийн үйлчилгээг чанартай, шуурхай хүргэхэд үйл ажиллагаа чиглэгдэнэ. 2024 оны жилээр эцсийн байдлаар Айраг сум нь 4 багтай 3610 хүн амтай 744000 км/ам нутагтай, 1148 өрх, түүнээс 333 малчин, 103261 малтай. Сумын төв нь Цагаандөрвөлж, Төсвийн 7 байгууллага, төрийн өмчит З нэгж, тусгай зөвшөөрөлтэй аж ахуй 15, патентаар үйл ажиллагаа явуулдаг 47, Ашиглалтын лиценцтэй 32 ААнэгж компани, хайгуулийн 9 аж ахуйн нэгж үйл ажиллагаа явуулж байна. Тус суманд 715 хүүхдийн ЕБСургууль, 35 ортой дотуур байр, 15 ортой хүн эмнэлэг,  100 суудалтай соёлын төв ажилладаг. Төвийн эрчим хүчинд холбогдсон, үүрэн телефоны үйлчилгээ нэвтэрсэн. Нийслэл болон аймгийн төвтэйгөө төмөр зам,авто засмал замаар холбогдсон томоохон сум юм. Энэ сумын нутагт Хэцүү тээгийн агуй, Бага нардын хад,Баруун цагаан дэлийн агуй, Нүдэнгийн хонхор, Бага тээгийн уул гэх мэт сонирхол татсан олон газар байдаг.