МЭНДЧИЛГЭЭ

2022 | 10 сарын 3  |  11:23
0
МЭНДЧИЛГЭЭ
МЭНДЧИЛГЭЭ

              Монгол улсынхаа эрх чөлөө, тусгаар тогтнол, хөгжил дэвшил, энэ цагийн сайхан амьдрал, ирээдүй хойч үеийнхээ төлөө амь нас, бие сэтгэл, хөдөлмөр зүтгэлээ зориулсан, одоо ч үнэтэй хувь нэмэр оруулсаар байгаа үе үеийн ахмадууд та бүхэндээ Олон улсын ахмадын баярын мэндийг дэвшүүлье. Алдар гавьяа, ач буян нь дэлгэрсэн ахмадууд та бүхнээрээ үе үеийн бид бүхэн бахархан дээдэлж, хүндэтгэдэг билээ. Ахмадуудын эрх, ашиг сонирхол, халамж хамгааллын бодлогыг баталгаажуулсан “Ахмад настны тухай” болон холбогдох хууль, эрх зүйн баримт бичиг, хөтөлбөрүүдийг хэрэгжүүлж, сумын Засаг даргын 2020-2024 оны үйл ажиллагааны хөтөлбөрт ахмадын байгууллагын үйл ажиллагааг дэмжих, ээлтэй, орчин нөхцөлийг бүрдүүлэх, соён гэгээрүүлэх олон төрлийн арга хэмжээг зохион байгуулах, ахмадын өргөөний өргөтгөл хийх зэрэг зорилтуудыг дэвшүүлэн ажиллаж байна. Ахмадын өргөөний өргөтгөлийн ажлыг ОНХС-ийн хөрөнгөөр гүйцэтгэн 2022 оны 10 дугаар сард хүлээлгэн өгөх ажлын гэрээг байгуулан ажиллаж байгааг та бүхэндээ мэдэгдэхэд таатай байна. Эрхэм хүндэт ахмадууд та бүхэндээ урт насалж, төр улс, түмэн олон, гэр бүл, хүүхэд залуучууддаа түшиг тулгуур, төгсөшгүй бахархал байхын өлзийтэй ерөөлийг дэвшүүлье.

ДОРНОГОВЬ АЙМГИЙН АЙРАГ СУМЫН ЗАСАГ ДАРГА С.ЖАРГАЛСАЙХАН