ЭРҮҮЛ АЮУЛГҮЙ АЖЛЫН БАЙР-БИДНИЙ СУУРЬ ЭРХ ” САРЫН АЯН ЭХЭЛЛЭЭ...

2023 | 4 сарын 12  |  11:06
0
ЭРҮҮЛ АЮУЛГҮЙ АЖЛЫН БАЙР-БИДНИЙ СУУРЬ ЭРХ ” САРЫН АЯН ЭХЭЛЛЭЭ...

Улсын хэмжээнд жил бүрийн 04-р сарын 01-нээс 05. 01-ний хооронд Хөдөлмөрийн аюулгүй байдал эрүүл ахуйн сарын аяныг тэмдэглэн өнгөрүүлдэг. Олон улсын хөдөлмөрийн байгууллагаас “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр” болгон тэмдэглэдэг бөгөөд энэ онд “Эрүүл аюулгүй ажлын байр нь хөдөлмөрийн хүрээний суурь зарчим ба эрхийн асуудал мөн” гэсэн уриатайгаар ажиллаж байна. Дорноговь аймгийн хэмжээнд “Эрүүл аюулгүй ажил-Бидний суурь эрх” сарын аяныг 2023 оны 04 дүгээр сарын 11-ний өдрөөс 2023 оны 05 дугаар сарын 01-нийг хүртэлх хугацаанд зохион байгуулахаар боллоо. Уг аяны хүрээнд Аймгийн Хөдөлмөрийн аюулгүй байдал, эрүүл ахуйн зөвлөлөөс дараах үйл ажиллагааг хэрэгжүүлэхээр төлөвлөсөн. _Сумдын ХАБЭА-н салбар зөвлөлийн гишүүдийг чадавхжуулах сургалтыг зохион байгуулах _Хөдөлмөрийн аюулгүй байдал, эрүүл ахуйн чиглэлээр ААНБ-уудыг ажилтан албан хаагчдын мэдлэг ойлголтыг бататгах, аяны үйл ажиллагааг байгууллага ажиллагсдын дунд өрнүүлэн ажиллах, _Эрүүл мэнд, боловсролын салбарын ажилтнуудад сургалт мэдээллийн үйл ажиллагааг зохион байгуулах, _Эрсдэл өндөртэй ажлын байрны үзлэг шалгалтыг зохион байгуулж зөвлөмж хүргүүлэх, _Ерөнхий боловсролын сургуулийн төгсөх ангийн сурагчдыг ХАБЭА-н анхан шатны мэдэгдэхүүнтэй болгох, _Ажил олгогч нь ҮОМШӨ-өөс урьдчилан сэргийлэх соёл зан үйлийг төлөвшүүлэх, ХАБЭА-н болон Хөдөлмөрийн тухай хуулиар хүлээсэн эрх үүргээ хэрэгжүүлж, зөвлөмж гаргаж ажиллах, _Эрүүл аюулгүй ажлын байрны нөхцөлийг бий болгож, ажилчдынхаа эрүүл мэнд болон нийгмийн асуудалд чиглэсэн ажлыг зохион байгуулах гэх мэт томоохон арга хэмжээг зохион байгуулахаар ажиллаж байна.