Дорноговь аймагт "Шинэ хөдөө" төсөл хэрэгжинэ.
Хөдөө аж ахуйн үйлдвэрлэлийг нэмэгдүүлэх замаар ажлын байрыг бий болгох, иргэдийн орлогыг нэмэгдүүлэх, орон нутгийн иргэдийг эрүүл хүнсээр хангах зорилгоор 2023 онд улсын төсвийн 2 тэрбум төгрөгийн хөрөнгө оруулалтаар " Шинэ хөдөө" төсөл хэрэгжинэ.
"Шинэ хөдөө" төслийг үр дүнтэй хэрэгжүүлэх зорилгоор аймгийн хэмжээнд хөдөө аж ахуй /газар тариалан, гахай, шувууны аж ахуй/ эрхлэгчдийн үйл ажиллагаа, одоогийн нөхцөл байдал, тулгамдаж буй асуудал болон цаашид үйл ажиллагаагаа өргөжүүлэхэд шаардлагатай багаж тоног төхөөрөмжийн талаар судлан ажиллаж байна.
Т.Энхтүвшин гишүүний Орон нутаг дахь бие төлөөлөгч М.Хорол 2023 оны 01 дүгээр сарын 27-ний өдөр тус сумын аж ахуй эрхлэгч иргэдийн төлөөлөл болох 8 иргэдтэй уулзан төслийн талаар танилцуулан санал хүсэлтийг сонсож ажиллалаа.
