ДОРНОГОВЬ АЙМГИЙН ОЮУТАН, СУРАЛЦАГЧДАД СУРГАЛТЫН САНХҮҮГИЙН ДЭМЖЛЭГ ҮЗҮҮЛЭХ ТЭТГЭЛЭГТ ХӨТӨЛБӨР ЗАРЛАГДЛАА

2023 | 8 сарын 2  |  16:18
0

ДОРНОГОВЬ АЙМГИЙН ОЮУТАН, СУРАЛЦАГЧДАД СУРГАЛТЫН САНХҮҮГИЙН ДЭМЖЛЭГ ҮЗҮҮЛЭХ ТЭТГЭЛЭГТ ХӨТӨЛБӨР ЗАРЛАГДЛАА ______________________________________________ ЗОРИЛГО: - Монголын ирээдүйг бүтээлцэх Дорноговь аймгийн оюутан, суралцагчдад МОНГОЛ УЛСЫН МАГАДЛАН ИТГЭМЖЛЭГДСЭН ДОТООДЫН ИХ, ДЭЭД СУРГУУЛЬД /цаашид Их, дээд сургууль гэх/ суралцахад сургалтын төлбөрийн дэмжлэг шаардлагатай, идэвхтэй, сурлага сайтай, манлайлагч сурагч болон зорилтот бүлэгт хамаарах суралцагчдыг дэмжинэ. - Эргэж нутагтаа ажиллах болзолтойгоор Дорноговь аймагт нэн тэргүүнд эрэлттэй байгаа мэргэжлээр чадварлаг боловсон хүчин бэлтгэнэ. 2023-2024 оны хичээлийн жилд ЗӨВХӨН 2023 ОНД ЕБС ТӨГССӨН БАЙХ хүүхдүүдийг дараах мэргэжлээр тэтгэлэгт хөтөлбөрт хамруулж, дэмжлэг үзүүлнэ. а/ Зоотехникч, малын эмч – 5 оюутан /100 хувь тэтгэлэг олгоно/ б/ Уул уурхайн үйлдвэрлэлийн чиглэлээр - 10 оюутан /1,0 сая төгрөгийн дэмжлэг үзүүлэх ба Их, дээд сургуулийн төлбөрөөс үл хамааран ТЭТГЭЛГИЙН ХЭМЖЭЭ ӨӨРЧЛӨГДӨХГҮЙ. Үүнд: -Баяжуулалтын инженер, -Ашиглалтын инженер, -Хими-технологич, -Металлургич, -Маркшейдер- геологич, -Уул уурхайн тоног төхөөрөмжийн механик инженер, -Уул уурхайн цахилгааны инженер гэх мэт. ТЭТГЭЛЭГТ ТАВИГДАХ ШААРДЛАГА: Нийтлэг шаардлага: - Улсаас сургалтын тэтгэлэгт хамрагдсан тохиолдолд ТЭТГЭЛГИЙГ ДАВХАРДУУЛЖ ОЛГОХГҮЙ. - Сурсан зүйлээ орон нутагтаа, нийгмийн сайн сайхны төлөө, аймгийн хөгжлийн төлөө зориулах чин сэтгэлтэй, хөдөлмөрч, хариуцлагатай, эерэг хандлагатай суралцагч байна. - Дорноговь аймгийн харьяат /5 дээш жил амьдарсан/, Дорноговь аймагт Ерөнхий боловсролын сургуулийг төгссөн байна. - Монгол Улсын магадлан итгэмжлэгдсэн дотоодын Их, дээд сургуулийн бакалаврын түвшний суралцагчаар 2023-2024 ХИЧЭЭЛИЙН ЖИЛ элссэн байх, - Их дээд сургуулиа төгсөөд ЭРГЭЖ НУТАГТАА 5 ЖИЛ ажиллах шаардлагатай. - Суралцах чиглэлээрээ томоохон олимпиад, уралдаан тэмцээн, нутгийн болон нийгмийн сайн сайхны төлөөх ажилд оролцож байсан бол давуу тал болно. Тусгай шаардлага: - Их дээд сургуулийн 1 –р дамжаанд элсэж байгаа оюутан нь Ерөнхий боловсролын гэрчилгээний ГОЛЧ ДҮН 80 ба түүнээс дээш хувь байна. - ЭЕШ дүнгийн хэмжээст оноо математик, физик, химийн хичээлээр 550 онооноос дээш байна. БҮРДҮҮЛЭХ БИЧИГ БАРИМТЫН ЖАГСААЛТ: 1. Хүсэлт гаргах анкет 2. Тэтгэлэг хүсэгчийн өргөдөл 3. Оршин суугаа багийн Ам бүлийн тодорхойлолт 4. Томоохон олимпиад, уралдаан тэмцээн, нутгийн болон нийгмийн сайн сайхны төлөөх ажилд оролцож байсан, амжилтыг гэрчлэх бичиг баримтын хуулбарууд 5. Монгол хэл дээр “НУТГИЙНХАА ХӨГЖИЛД ОРУУЛАХ МИНИЙ ХУВЬ НЭМЭР” сэдвээр А4 цаасны 1 нүүр эссэ бичих. /Эссэ нь үг үсгийн алдаагүй, гар бичмэлээр бичсэн байх/. 6. Иргэний үнэмлэхний хуулбар 7. Сургалтын төлбөрийн дэмжлэг шаардлагатайг тодорхойлсон холбогдох бичиг баримтууд: - Өрхийн орлогын тодорхойлолт, - Эцэг, эх, асран хамгаалагчийн ажлын газрын цалингийн тодорхойлолт, - Тэтгэвэр авагч бол тэтгэврийн дэвтрийн хуулбар, - Эрхэлсэн ажилгүй бол харьяа баг, хорооны тодорхойлолт, халамжийн дэвтрийн хуулбар, халамжийн газрын тодорхойлолт - Малчин өрх бол мал тооллогын А дансны хуулбар, - Хувиараа бизнес эрхэлдэг бол нийгмийн даатгалын дэвтрийн хуулбар/ 8. Их, дээд сургуулийн 1-р дамжаанд суралцагчийн хувьд: - Ерөнхий боловсролын гэрчилгээний хуулбар, - ЭЕШ-ын онооны хуудасны хуулбар, - Хүмүүжил, төлөвшил, олон нийтийн оролцооны талаар төгссөн сургуулиасаа тодорхойлолт, ТЭТГЭЛЭГТ ХАМРАГДАХ ОЮУТНЫ ЭРХ ҮҮРЭГ: - Өөрийн талаар үнэн зөв, бодит байдалд нийцсэн бүрэн мэдээлэл өгөх, - Сургалтын дүнг Нутгийн зөвлөлийн байранд авчирч танилцуулна. /Голч дүн -3,0 доошгүй байна/ - УИХ-ын гишүүний зохион байгуулж буй олон нийтийг хамарсан арга хэмжээнд идэвхи санаачилгатай оролцоно. - Сургуулиа амжилттай төгсөөд эргэж орон нутагтаа ажиллана. - Аймгийн ЗДТГ, Хөдөлмөр халамжийн үйлчилгээний газартай хамтран, тэтгэлэгт хамрагдсан төгсөгчдийг ажлын байртай болоход дэмжлэг үзүүлнэ. - Эрүүл мэндийн болон ар гэрийн, бусад шалтгаанаар чөлөө авсан, өөр сургуульд шилжсэн, сургуулиасаа хасагдсан, цаашид суралцах боломжгүй болсон тохиолдолд 1 сарын өмнө мэдэгдэнэ. - Хэрэв дээрхи заалтуудыг зөрчсөн тохиолдолд Сургалтын гэрээг цуцалж, батлан даагч сургалтын төлбөрийг 1 сарын хугацаанд эргүүлэн төлнө. МАТЕРИАЛ ХҮЛЭЭН АВАХ: - Шаардлага хангасан материалыг 2023 оны 8 дугаар сарын 20-ны өдрийн дотор altantuulbatchuluun@gmail.com цахим шуудангаар хүлээн авна. - Хугацаа хоцроож ирүүлсэн болон дутуу ирүүлсэн материалыг хүлээн авахгүй болохыг анхаарна уу. - Сонгон шалгаруулалтыг 2 үе шаттай явуулах ба шаардлагатай тохиолдолд ярилцлагад дуудна. - Тэтгэлэгт тавигдсан шаардлагад тэнцсэн оюутнууд Сургалтын гэрээг 8 дугаар сарын 21-ны өдөр байгуулна. ЛАВЛАХ УТАСНЫ ДУГААР: 88108419, 99997707