ЦАГААН ДЭЛИЙН АГУЙН БАЙГАЛИЙН ӨВИЙН ХАМГААЛАЛТЫГ САЙЖРУУЛАХ ХАМТЫН АЖИЛЛАГААНЫ ГЭРЭЭ БАЙГУУЛАГДЛАА
Айраг сумын Нарт багт орших Монгол орны хамгийн урт, хамгийн томд тооцогдох, Улсын тусгай хамгаалалттай газар нутаг “Цагаан дэлийн агуй”-н хамгаалалтыг сайжруулах зорилгоор “Айраг сумын байгалийн өвийн хамгаалалт ба хариуцлагатай уул уурхайн хамтарсан дижитал төсөл”-ийг хэрэгжүүлэхээр аймаг, сумын Засаг дарга, төслийг санхүүжүүлэх аж ахуйн нэгжүүд хамтран ажиллах гэрээ байгууллаа.
Энэхүү төсөл хэрэгжсэнээр агуйн доторх бүтэц, орон зай, хэлбэр байдал, байгалийн өнөөгийн бодит байдлыг дижитал тоног төхөөрөмжийн тусламжтайгаар бүрэн тодорхойлж, улмаар цаашид агуйн хамгаалалтын менежментийг боловсруулах, аялал жуулчлал хөгжүүлэх нөхцөл боломжуудыг тодорхойлох юм.
Энэхүү төслийн ажил эцэслэснээр агуйн хамгаалалтын талаар авч хэрэгжүүлэх дараагийн ажлуудын суурь судалгаа бүрдэнэ.
