"ШИНЭ СТАНДАРТ” СЭДЭВТ БҮСҮҮДИЙН ХӨГЖЛИЙН ҮНДЭСНИЙ ЧУУЛГАН 2024 ОНЫ 10-Р САРЫН 26-НД ЗОХИОН БАЙГУУЛАГДАЖ, СУМЫН ЗАСАГ ДАРГА С.ЖАРГАЛСАЙХАН ОРОЛЦЛОО.
-Монгол Улсын Засгийн газраас 2024 оныг "Бүсчилсэн хөгжлийг дэмжих жил" болгон зарлаж, "Монгол Улсын бүсчилсэн хөгжлийн үзэл баримтлал”, Засгийн газрын 2024-2028 оны үйл ажиллагааны хөтөлбөр болон "Хурдтай хөгжлийн төлөөх зориг" хамтарсан Засгийн газрын гэрээний хэрэгжилтийг эрчимжүүлэх, бүс, орон нутгийн хөгжлийг хязгаарлаж буй хүчин зүйлийг шуурхай шийдвэрлэх, харилцан санал солилцож, нэгдсэн ойлголтод хүрэх зорилготой чуулга уулзалт зохион байгуулагдлаа.Чуулганд Улсын Их Хурал, Засгийн газрын гишүүд, төр, хувийн хэвшил, олон улсын байгууллага, эрдэмтэн судлаачид, аймаг, сумын удирдлага, захиргааны болон төрийн бус байгууллага, иргэдийн төлөөлөгчид оролцсон.Монгол улсын Ерөнхий сайд Л.Оюун-эрдэнэ чуулганыг нээж, “Бүсчилсэн хөгжлийн реформ”, Шадар сайд С.Амарсайхан “Бүсчилсэн хөгжлийн бодлого” үндсэн илтгэлүүд танилцуулж, нэгдсэн хуралдаан, 7 бүсийн салбар хэлэлцүүлэг, дүгнэлт хуралдаан амжилттай зохион байгуулагдлаа.
Ерөнхий сайд Л.Оюун-эрдэнэ “Шинэ сэргэлтийн бодлого”-ын хүрээнд”:
1.АI хиймэл оюун ухаан, технологийн шилжилт
2. Ногоон шилжилт
3.Хүний нөөцийн шилжилтийг хийх шаардлагатай байгааг онцолж, бүс нутгуудыг хэрхэн хөгжүүлэх төлөвлөгөө, Монгол улсын тэргүүлэх 14 мега төсөл, хүрэх үр дүнг тодорхой танилцууллаа.
Бүсчилсэн хөгжлийн бодлогын хүрээнд 91 орон нутгийн хөгжлийн төв (21 аймгийн төв, 70 сум, сууринд) байгуулахаар төлөвлөгдсөний дотор АЙРАГ сум багтаж төсөл, хөтөлбөр хэрэгжих боломж бүрдэж байна.
