2023 | 1 сарын 18  |  10:28
0

Вирусын хоруу чанар, амьтны төрөл, үүлдэр, хавсарсан халдвар зэргээс шалтгаалан эмнэлзүйн шинж тэмдгийн илрэл, өвчлөл, хорогдол янз бүр байна. Ихэвчлэн цочмог хэлбэрийн өвчлөл тохиолдоно. Энэ үед мал, амьтан 4-10 хоногийн дотор үхэж болно. Халуурч эхэлснээс хойш эмнэлзүйн шинж тэмдэг 3-5 хоногийн дотор ихэвчлэн илэрнэ. Өвчин даамжрах тусам салст бүрхүүлд цус ихэсч, залхаг нус гоожиж, тэжээлийн дуршилгүй болж чацга алдан амьсгалын замыг илүү гэмтээнэ. Хоёрдогч халдвараас шалтгаалж үрэвсэл үргэлжилж нус гоожих эхэн үед усархаг байснаа салсархаг, идээтэй болж хувирна. Доод уруулын дотор тал, буйл үрэвсэж зарим тохиолдолд хэл саажиж унжих нь бий. Нүдний салст үрэвсэх ба зовхи тод улаан өнгөтэй болно. Усархаг, цустай хар ногоон чацга алдах явдал өвчний хожуу шатанд тохиолддог. Чацга нь бөгсөн биеийг нэлэнхүйд нь бүрхдэг онцлогтой. Дээрхи шинж тэмдэг малд илэрвэл нэн даруй гэрээт малын эм,ид хандан үзлэг тандалт хийх шаардагтай.